Dagaalka Juba waxaa ku dhintay “400-500”

Madaxweynaha Golaha Ammaanka ee Qaramada Midoobay ayaa sheegay in rabshadaha ka socda Jamhuuriyada Koonfurta Sudan ay isu badali karaan dagaal sokeeye.

Gerard Araud ayaa BBC-da u sheegay in ay heleen warar sheegaya, in ku dhawaad 400 ilaa 500 oo ruux ay ku dhinteen isku dhacyada wadankaas ka billowday Axaddii.

Xerada Qaramada Midoobay

Waxaa uu intaa ku daray in 20,000 oo ruux ay ku qaxeen xero ay Qaramada Midoobay ku leedahay caasimada dalkaas ee Juba.

Madaxweynaha Koonfurta Suudaan Salva Kiir Mayardit ayaa horey u sheegay in militeriga dalkaas uu fashiliyay afgembi ay qabanqaabiyeen siyaasiyiin ay iska soo horjeedaan.

Riek Machar

Tan iyo markaas waxaa Juba lagu xiray ugu yaraan 10 ruux oo horey wasiirro uga soo noqday dalkaas.

Koonfurta Suudaan ayaa xornimadeeda ka qaadatay Suudaan-ta kale sanadkii 2011-ka, kaddib tobanaan sano oo labada dhinac ay dagaallamayeen.

Xiisad ayaa ka aloosnayd dalkaas tan iyo bishii toddobaad ee July xilligaas oo madaxweyne Salva Kiir Mayardit uu xilka ka qaaday madaxweyne kuxigeenkiisii hore Riek Machar.

Machar ayaa horey u sheegay inuu doonayay inuu Kiir kula tartamo doorashada madaxweynenimo ee la qaban doono sanadka 2015-ka.

Machar ayaa ka soo jeeda qabiilka Nuweer ee ku eedeeyo qabiilka Kiir ee Dinka inay talada isku koobeen.

Listen Our daily News & programs

News Archive

December 2013
M T W T F S S
« Nov   Jan »
 1
2345678
9101112131415
16171819202122
23242526272829
3031  
NEWS IN ENGLISH
RAYIGA AKHRISTAHA
Tacsiyo
CAYAARAHA